Нууцлалын бодлого

Энэхүү бодлого нь Бүрэн (buren.mn, цаашид «бид») таны хувийн мэдээллийг хэрхэн цуглуулж, ашиглаж, хадгалж, хамгаалдгийг тайлбарлана. Бүрэн нь онлайн дэлгүүрүүдэд захиалга, агуулах, хүргэлт, тооцооны үйлчилгээ үзүүлдэг бөгөөд худалдан авагчид дэлгүүрүүдээс бараа захиалах онлайн худалдааны талбартай. Бид Монгол Улсын Хувь хүний мэдээлэл хамгаалах тухай хуулийг баримтална.

Худалдан авагчаас цуглуулах мэдээлэл

• Google-ээр нэвтрэхэд: таны нэр, имэйл хаяг, Google бүртгэлийн дугаар. Таны нууц үгийг бид хэзээ ч хүлээн авдаггүй.
• Facebook-ээр нэвтрэхэд: таны нэр, Facebook бүртгэлийн дугаар. Бид Facebook-ээс таны имэйл, найзуудын жагсаалт, нийтлэлийг авдаггүй.
• Захиалга өгөхөд: хүлээн авагчийн нэр, утасны дугаар, хүргэлтийн хаяг, захиалсан бараа, үнэ, төлбөрийн төлөв.
• Таны хадгалсан хүргэлтийн хаягууд.

Дэлгүүр, ажилтнаас цуглуулах мэдээлэл

• Дэлгүүрийн эзэн, ажилтан: нэр, имэйл хаяг, утасны дугаар, нэвтрэх эрх.
• Хүргэгч, агуулахын ажилтан: нэр, утасны дугаар, гар утсанд мэдэгдэл илгээх түлхүүр, хүргэлтийг баталгаажуулах зураг.

Автоматаар цуглуулах мэдээлэл

• Таны нэвтэрсэн төлвийг хадгалах күүки (cookie). Бид зар сурталчилгааны болон таныг хянах күүки ашигладаггүй.
• Таны сагс зөвхөн таны төхөөрөмж дээр хадгалагдах бөгөөд захиалга өгөх хүртэл бидэнд ирдэггүй.
• IP хаяг, хөтчийн мэдээлэл: аюулгүй байдлыг хангах, хэт олон оролдлогыг хязгаарлах, алдааг илрүүлэх зорилгоор.

Мэдээллийг ашиглах зорилго

• Таныг нэвтрүүлж, бүртгэлийг тань хөтлөх.
• Захиалгыг тань хүлээн авч, төлбөрийг баталгаажуулж, хүргэх.
• Захиалга, хүргэлт, буцаалтын талаар тантай холбогдох.
• Үйлчилгээний аюулгүй байдлыг хангаж, луйвар, зүй бус хэрэглээнээс сэргийлэх.
• Хуулиар хүлээсэн үүргээ биелүүлэх (нягтлан бодох бүртгэл, татвар).

Бид таны мэдээллийг зар сурталчилгаанд ашиглахгүй, гуравдагч этгээдэд худалдахгүй.

Мэдээллийг хэнтэй хуваалцах

• Таны захиалсан дэлгүүр: захиалгыг биелүүлэхэд шаардлагатай нэр, утас, хаяг, захиалгын мэдээлэл.
• Хүргэгч: хүргэлт хийхэд шаардлагатай нэр, утас, хаяг.
• Төлбөрийн үйлчилгээ үзүүлэгч (QPay): төлбөрийг гүйцэтгэхэд. Бид таны карт, банкны дансны мэдээллийг хадгалдаггүй.
• Google, Facebook: зөвхөн та тэдгээрээр нэвтрэх үед.
• Имэйл, мессеж илгээх болон сервер байршуулах үйлчилгээ үзүүлэгчид: зөвхөн бидний өмнөөс үйлчилгээ үзүүлэхэд шаардлагатай хэмжээнд.
• Төрийн эрх бүхий байгууллага: хуулиар шаардсан тохиолдолд.

Хадгалах хугацаа

Таны бүртгэлийн мэдээллийг бүртгэл тань идэвхтэй байх хугацаанд хадгална. Та бүртгэлээ «Миний бүртгэл» хуудаснаас өөрөө тэр даруй устгаж болно. Бидэнд хандаж устгуулахыг хүсвэл бид 30 хоногийн дотор устгана.

Захиалга, төлбөрийн бүртгэлийг нягтлан бодох бүртгэл, татварын хуульд заасан хугацаанд хадгалах үүрэгтэй тул тэр хугацаа дуустал хадгална.

Мэдээллийн аюулгүй байдал

Мэдээллийг шифрлэгдсэн холболтоор (HTTPS) дамжуулж, хандах эрхийг зөвхөн ажлын шаардлагаар олгодог. Дэлгүүр бүр зөвхөн өөрийн захиалгын мэдээллийг хардаг.

Таны эрх

• Өөрийн мэдээллийг харах, засуулах.
• Мэдээллээ устгуулах — Мэдээлэл устгах заавар хуудсыг үзнэ үү.
• Мэдээлэл боловсруулахыг зөвшөөрснөө цуцлах.
• Гомдол гаргах: эхлээд бидэнд, шаардлагатай бол Хүний эрхийн үндэсний комисст.

Хүүхдийн мэдээлэл

Манай үйлчилгээ насанд хүрээгүй хүүхдэд зориулагдаагүй бөгөөд бид тэднээс мэдээлэл санаатайгаар цуглуулдаггүй.

Бодлогын өөрчлөлт

Бид энэ бодлогыг шинэчилж болно. Өөрчлөлтийг энэ хуудсанд нийтэлж, шинэчилсэн огноог дээр харуулна.

Холбоо барих

Хаяг: Тэнгис кино театрын хойно, Оранж Плаза зүүн хойно, 15-р байрны өргөтгөл. Buren.mn гэсэн хаягтай байгаа. Газрын зураг дээр харах

Утас: 8808-8648, 9910-1467